Bhoko Ghar (भोको घर)

Staged from Dec. 16, 2016 to Jan. 7, 2017

कुशल तथा सुप्रशिद्ध नाटककार गोविन्दबहादुर मल्ल गोठालेले तीसको दशकमा लेख्नुभएको एकाङ्की नाटक ‘भोको घर’ अहिले पनि उत्तिकै सान्दर्भिक छ । समयान्तरसँगै मानिसका सपनाका तह बढेपनि स्वरुप उहि रहँदा यस नाटक हरेक समयको प्रतिनिधि हुनसक्छ । नाटकमा एकै परिधिमा रुमलिरहने वा रुमलिरहन बाध्य हुने मध्यम वर्गीय सोँच र आर्थिक संकटले पैदा गर्ने पारिवारिक समस्या देख्न सकिन्छ । यहाँ मध्यम वर्गको आवश्यकता छ, सपना छ, महत्वकांक्षा छ अनि समस्या र दुर्घटना पनि छ ।

Directional Note

रंगकर्ममा लाग्दैगर्दा आफूले अभिनय गरेको नाटक निर्देशन गर्नु मेरो लागि समयसंगै आइपरेको एक सुन्दर घटना हो । संवादप्रधान नाटकको संवादको मर्मलाई उहिरुपमा कायम राख्दै दृश्यलाई उतार्न बारम्बार पढ्दा नाटकको गहिराईले मलाई झन् छुँदै गयो , फलस्वरुप यो नाटक तयार भएको छ । नाटक दृश्यात्मक विधा भएपनि संवादले इंगित गर्ने दूर दृश्यले मलाई अझै पनि तरंगित गरिरहेछ । साठीको दशकको मध्यतिरबाट संगसंगैजसो रंगकर्ममा उत्रेका हामी यस नाटकमा उत्रेका छौं । रंगकर्ममा संगै हुर्केका हामी कहिले सिनेमा कहिले नाटक गर्दै फेरि नाटकमा मन मिलाएका छौं । मन मिल्ने साथीहरुसँग काम गर्न सजिलो र वास्तविक सामूहिक कार्य हुँदोरहेछ । पहिले ‘भोको घर’मा खोलाउने नवराज बुढाथोकी सरप्रति आभारी छु । थिएटर मलमा स्वागत गर्दै यहाँहरुको प्रतिक्रियाले अझै सिक्न पाउने अपेक्षासहित ।

On Stage